काठमाडौं । नेपाली काँग्रेसले मंगलबार संसदीय समिति गठन गर्ने तयारी थालेको छ ।
सोमबार बसेको केन्द्रीय समिति बैठकपछि काँग्रेसका शीर्ष नेताबीच संसदीय समिति गठन गर्ने सहमति भएको जनाइएको छ ।
संघीय संसद, प्रदेश सभा र स्थानीय तहको निर्वाचनमा पार्टीका तर्फबाट उम्मेदवार चयन गर्न ४ तहमा संसदीय समिति गठन गर्ने कांग्रेसको विधानमा व्यवस्था छ । एक पदाधिकारीका अनुसार भोलि बस्ने केन्द्रीय समितिको बैठकले समिति गठन गर्ने भएको हो ।
भोलि नै कांग्रेसले आगामी चुनावमा उम्मेदवार छान्नका लागि काँग्रेसले १६५ निर्वाचन क्षेत्र, ७७ जिल्ला, ७ प्रदेश र केन्द्रमा संसदीय समिति बनाउने छ ।
