काठमाडौं । नेकपा एकीकृत समाजवादीका सम्मानित नेता झलनाथ खनालले नेकपा माओवादी केन्द्रसँग पार्टी एकता हुने जानकारी दिएका छन् ।
पाल्पामा भएको कार्यक्रममा नेता खनालले तत्काल कार्यगत एकता गरेर निर्वाचनमा जाने र आगामी मंसिरमा हुने निर्वाचन लगत्तै पार्टी एकता हुने बताए।
नेकपा एमालेसँग भने तत्काल एकता हुने सम्भावना नभएको उनले बताए । नेपालका कम्युनिष्ट पार्टीहरूबीच एकता गरेर अगाडि बढ्नुको विकल्प भने नरहेको उनको भनाई छ ।
