काठमाडौँ ।गृहमन्त्री रमेश लेखकले शंकर पोखरेल र वर्षमान पुनबीचको भनिएको संवादले सत्ता गठबन्धनमा कुनै समस्या नहुने बताएका छन्।
धनगढीमा सञ्चारकर्मीहरूसँग कुरा गर्दै उनले भने, “कुन नेताले के बोल्छन् त्यो उहाँहरूको व्यक्तिगत र राजनीतिक कुरा हो, तर संस्थागत रूपमा नेपाली काँग्रेस र एमालेबीच सरकार सञ्चालनमा कुनै समस्या छैन।” लेखकका अनुसार, उक्त संवाद एक प्रकारको व्यक्तिगत गफ हो र यसले सरकारलाई कुनै असर नगर्ने छ।
लेखकले नेपाली काँग्रेस र नेकपा एमालेबीचको सम्झौताअनुसार २०८४ को निर्वाचनसम्म सरकार चल्ने कुरा पनि स्पष्ट गरे। साथै, सरकारले आफ्ना कार्यलाई गति दिने उद्देश्यले ल्याएको अध्यादेश संसदमा उचित समयमा पेश गरेर पास हुने दाबी गरे।
