काठमाडौं । नेकपाअध्यक्ष पुष्पकमल दाहाल प्रचण्ड र माधवकुमार नेपाल समूह निर्वाचन आयोग पुगेको छ । आयोगमा पुगेर बहुमत केन्द्रीय सदस्य आफूतिर रहेको भन्दै सो समूहले नेकपा र चुनाव चिन्ह सूर्य आफूले पाउनुपर्ने दाबी प्रस्तुत गरेको छ ।
पत्रमा २ सय ९७ जना केन्द्रीय सदस्यहरुको हस्ताक्षर रहेको प्रचण्डको सचिवालय सदस्य गंगा दाहालले जानकारी दिइन् ।
आयोग पुग्नुअघि आयोजित कोणसभामा नेकपा नेता योगेश भट्टराईले पार्टीको आधिकारिक नाम नेकपा र चुनाव चिन्ह आफ्नो रहेको भन्दै आँखा नलगाउन बालुवाटारलाई चेतावनी दिएका थिए । प्रचण्ड नेपाल समूहले पार्टी नाम र चुनाव चिन्हमा दाबी गरेपछि अब कानुनी लडाइँ सुरु भएको छ ।
शुक्रबार प्रचण्ड–नेपाल समूहका शीर्ष नेताहरु प्रचण्ड, नेपालसहित वरिष्ठ नेता झलनाथ खनाल, प्रवक्ता नारायणकाजी श्रेष्ठ, स्थायी कमिटी सदस्यहरु, प्रतिनिधिसभाका सांसदहरु, राष्ट्रिय सभाका सांसदहरु र केन्द्रीय सदस्यहरुलगायतका नेता कार्यकर्ताहरु उपस्थित भएर संसद् विघटनविरुद्ध आन्दोलन सुरु गरेका हुन् ।
