काठमाडौं । प्रधानमन्त्री पुष्पकमल दाहाल प्रचण्ड, एमाले अध्यक्ष केपी ओली र गृहमन्त्रीसमेत रहेका रास्वपा सभापति रवि लामिछानेबीच भेटवार्ता भएको छ । माओवादी अध्यक्ष समेत रहेका प्रचण्ड, ओली र लामिछानेबीच अहिले सिंहदरबारमा छलफल भइरहेको हो ।
संसद् बसेको प्रतिनिधिसभा बैठकमा बिहीबार एमाले र कांग्रेसका संसादबचि धकेलाधकेल भएको थियो । त्यसपछि स्थगित भएको बैठक आज पनि बस्दैछ ।
कांग्रेसले पनि अहिले प्रतिपक्षी दलका नेताहरुसँग छलफल गरिरहेको छ ।
उपप्रधानमन्त्री तथा गृहमन्त्री लामिछानेको नामसमेत जोडिएको सहकारीको रकम अपचलन प्रकरण अनुसन्धान गर्न संसदीय छानबिन समिति गठनको माग गर्दै कांग्रेसले केही दिनयता लगातार संसद् बैठक अवरुद्ध गरिरहेको छ ।
यसबीच उसले गृहमन्त्री लामिछानेलाई संसदमा बोल्नसमेत दिइरहेको छैन ।
