काठमाडौं । निर्वाचन आयोगले निर्वाचन क्षेत्र पूर्वाधार विकास कार्यक्रम र बजेटमा नतोकिएका कुनै पनि नयाँ आयोजना तथा कार्यक्रम सञ्चालन नगर्न निर्देशन दिएको छ ।
मतदातालाई प्रभावित पार्न सक्ने भन्दै आयोगले आयोगले तीनै तहका सरकारहरूलाई यस्तो निर्देशन दिएको हो ।
निर्वाचनको स्वच्छता र निष्पक्षतामा प्रभाव पार्ने प्रदेश निर्वाचन पूर्वाधार विकास कार्यक्रम वा पूर्वाधार विकास कार्यक्रम वा सोही प्रकृतिका योजना र बजेटमा नतोकिएका कुनै पनि नयाँ आयोजना तथा कार्यक्रमहरू सञ्चालन तथा कार्यान्वयन नगर्न–नगराउन नेपाल सरकार, सातै प्रदेश र सबै स्थानीय तहलाई निर्देशन दिएको विज्ञप्तीमा जनाइएको छ ।
