काठमाडौं । संसद सचिवालयले जेठ १६ देखि असार १२ गतेसम्मको सम्भावित कार्यतालिका सार्वजनिक गरेको छ। यस अवधिमा कुल १९ बैठक हुने तय भएको छ—जेठमा १० र असारमा ९ वटा। जेठ २० गतेबाट बजेटमाथि छलफल सुरु हुनेछ भने २३ गते अर्थमन्त्री विष्णु पौडेलले उठेका प्रश्नहरूको जवाफ दिनेछन्। २६ गतेदेखि मन्त्रालयगत छलफल र खर्च कटौती प्रस्तावहरू प्रस्तुत हुने तालिका छ।
२० गते संघीय निजामती सेवा विधेयक र २५ गते भूमिसम्बन्धी नेपाल ऐन संशोधन विधेयक संसदमा प्रस्तुत हुने कार्यसूचीमा परेका छन्। तर शिक्षा विधेयक भने योपटक पनि सूचीकृत हुन सकेन। शिक्षा विधेयक अझै समितिमा अड्किएको छ। सरकारले शिक्षकहरूसँगको सहमतिअनुसार असार १५ भित्र शिक्षा ऐन ल्याउने प्रतिबद्धता जनाएको भए पनि कार्यसूचीमा नपरेपछि फेरि ढिला हुने चिन्ता बढेको छ।
