काठमाडौं । रेशम चौधरी पक्राउ परेपछि जनमत पार्टी र नागरिक उन्मुक्ति पार्टीबीचको एकता घोषणा कार्यक्रम स्थगित भएको छ ।
जनमत पार्टीका अध्यक्ष सिके राउतले चौधरीको पक्राउको घटनाको भर्त्सना गरेका छन् । उनले आजको एकीकरण घोषणा कार्यक्रम स्थगित भएको जानकारी गराउदै थप सूचना बैठक बसेर दिने बताएका छन् ।
एकता घोषणाको तयारी भइरहेका बेला चौधरीलाई कार्यक्रमस्थल प्रज्ञा भवन परिसरबाट पक्राउ गरिएको थियो ।
प्रहरीले टीकापुर घटना बारे सर्वोच्च अदालतबाट भएको आदेश कार्यान्वयनका लागि चौधरीलाई पक्राउ गरिएको बताएको छ । अहिले चौधरीलाई डिल्लीबजार जेलमा लागिएको छ ।
