दाङ।दाङमा टिपरको ठक्करबाट दुई युवकको मृत्यु भएपछि आफन्तले सडक अवरुद्ध पारेर प्रदर्शन गरेका छन् ।
शुक्रबार राति टिपरको ठक्करबाट प्युठानका दुई युवाको मृत्युको घटनालाई लिएर आइतबार बिहानदेखि प्रदर्शन भएको हो ।
सडक अवरुद्ध गरेर प्रदर्शन गरेपछि प्रहरीले मृतकका केही आफन्तलाई नियन्त्रणमा लिएको छ । पक्राउ पर्नेमा प्युठानको झिमरुक गाउँपालिकाका उपाध्यक्ष प्रमोद पोख्रेल पनि हुन् । पोख्रेल मृतकका आफन्त हुन् ।
मृतकका परिवारले उचित क्षतिपूर्तिको व्यवस्था र टिपर चालकलाई कारबाही नभएसम्म शव नउठाउने भन्दै आइतबार दाङ बन्दको आह्वान गरेका छन् ।
