काठमाडौं । नेकपा एमालेको केन्द्रीय प्रचार विभागमा शनिबार बसेको केन्द्रिय सचिवालय बैठकले ११ जना सदस्य मनोनीत गरेको छ । बैठकले प्रचार विभाग र संसदीय विभागमा ११ जना सदस्य मनोनयन गरेको हो ।
एमाले संसदीय विभागको प्रमुखमा पृथ्वीसुब्बा गुरुङ र प्रचार विभाग प्रमुख राजेन्द्र गौतम चयन भएका हुन् । मनोनीत भएका सदस्यहरूको विवरण अन्तर पार्टी निर्देशनमा पठाएपछि सार्वजनिक गर्ने जनाएको छ ।
प्रचार विभाग सदस्यमा डा. महेन्द्र विष्ट, प्रेस चौतारीका उपाध्यक्ष गणेश पाण्डे, राजेश राई, लीलालराज भट्टराई थपिएको एमाले स्रोेतले जनाएको छ ।
एलबी शेख, रामकृष्ण ज्ञवाली, शेरबहादुर केसी, दीपक ज्ञवाली, सूर्यमणि गौतम, हेमन्त पौडेल र अक्षरी पोखरेल पनि विभागमा सदस्य मनोनीत भएको स्रोतको भनाइ छ ।
यसअघि गगन विष्ट सचिव थिए भने निर्मला शर्मा, गणेश बस्नेत, उजिर मगर, टीका विष्ट, प्रमोद दाहाल, चेतन अधिकारी र रोशन खड्का विभागमा सदस्य थिए ।
