काठमाडौं । सरकारले भन्सार प्रणालीमा लामो समयदेखि देखिँदै आएको न्यून बिजकीकरण प्रथाको अन्त्य गर्ने घोषणा गरेको छ ।
सोमबार आगामी आर्थिक वर्ष २०८२/८३ को नीति तथा कार्यक्रम सार्वजनिक गर्दै राष्ट्रपति रामचन्द्र पौडेल ले भन्सार प्रक्रियामा पारदर्शिता बढाउने र कर प्रणालीलाई व्यवस्थित बनाउने उद्देश्यसहित न्यून बिजकीकरण प्रथाको अन्त्य गरिने घोषणा गरेका हुन् ।
सरकारले आयात–निर्यात प्रणालीमा देखिँदै आएको अनियमितता नियन्त्रण गर्दै राजस्व चुहावट रोक्ने लक्ष्य राखेको छ । नीति तथा कार्यक्रममा भन्सार प्रणालीलाई प्रविधिमैत्री बनाउने र कर प्रशासनलाई अझ प्रभावकारी बनाउने विषयलाई प्राथमिकतामा राखिएको छ ।
