काठमाडौं । नेपालमा पछिल्लो २४ घण्टामा थप २ हजार ७३६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा २ हजार ७३६ जनामा संक्रमण देखिएको हो । योसँगै नेपालमा कुल कोरोना संक्रमितको संख्या १ लाख ९९ हजार ७६० पुगेको छ ।
पछिल्लो २४ घण्टामा ८५३ ना कोरोना संक्रमणमुक्त भएका छन् । हालसम्म १ लाख ६० हजार ५७७ जना संक्रमणमुक्त भएका छन् ।
नेपालमा कोरोनाबाट थप २२ जनाको मृत्यु भएको छ । यससँगै नेपालमा संक्रमणबाट मृत्यु हुनेको संख्या १ हजार १४८ पुगेको छ । हाल नेपालमा सक्रिय संक्रमितको संख्या ३८ हजार ३५ रहेको छ । क्वारेन्टिनमा १०५८ जना रहेका छन् ।
