काठमाडौं । सत्ता गठबन्धनको बैठक बिहीबारका लागि बोलाइएको छ । बिहान १० बजे प्रधानमन्त्री निवास बालुवाटारमा बस्नेगरी बैठक बोलाइएको हो ।
बैठकमा सिट फाँडफाँट कार्यदलमा भएको प्रगति, गठबन्धनमा बाबुराम भट्टराई नेतृत्वको नेसपा र वामदेव गौतम नेतृत्वको नेकपा एकता राष्ट्रिय अभियानलाई समेट्नेलगायतका विषयमा छलफल हुने बताइएको छ ।
यसअघि प्रधानमन्त्री निवास बालुवाटारमा बुधबार बसेको सिट बाँडफाँट कार्यदलको बैठकले ठोस निर्णय गर्न सकेन । कार्यदललाई बुधबारसम्ममा सिट बाँडफाँटको मोडालिटी पेश गर्ने कार्यादेश दिइएको थियो ।
