मकवानपुर । बागमती प्रदेशका मुख्यमन्त्री इन्द्रबहादुर बानियाँले प्रदेश सरकार देश, जनताप्रति जबाफदेही रहेको तथा प्रदेशमा सुशासन कायम गर्न प्रतिबद्ध रहेको बताएका छन् ।
सञ्चारकर्मीहरूसँग बिहीबार अपराह्न भएको सङ्क्षिप्त कुराकानीमा उनले राष्ट्रिय गौरवको आयोजना कार्यान्वयन गर्न सरकार इमान्दार रहेको बताए।
मुख्यमन्त्री बानियाँले दलीय स्वार्थ त्यागेर प्रदेश सरकारको नीति कार्यक्रम, बजेट, योजना बाँडफाँटलगायत दैनिक कार्य सम्पादनसम्बन्धी विषयको गाम्भीर्यलाई ध्यान दिएर जिम्मेवारपूर्वक समाचार सम्प्रेषण गर्न आग्रह गरे ।
