काठमाडौं । नवनियुक्त ऊर्जा, जलस्रोत तथा सिँचाइ राज्यमन्त्री खमबहादुर गर्बुजाको पद तथा गोपनियताको शपथ आज हुने भएको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यलयमा बिहान साढे ११ बजे राज्यमन्त्री गर्बुजाको शपथ हुने प्रधानमन्त्रीको सचिवालयले जानकारी दिएको छ ।
राज्यमन्त्रीलाई प्रधानमन्त्रीले शपथ गराउने कानुनी प्रावधान रहेको छ । गर्बुजालाई प्रधानमन्त्री केपी ओलीको सिफारिसमा राष्ट्रपति रामचन्द्र पौडेलले गत बुधबार ऊर्जा, जलस्रोत तथा सिँचाइ मन्त्रालयको राज्यमन्त्रीमा नियुक्त गरेका थिए ।
गर्बुजा म्याग्दीबाट निर्वाचित कांग्रेस सांसद हुन् ।
