काठमाडौँ । एनसेलको शेयर खरिदविक्री सम्बन्धी मुद्दामा उच्च अदालत पाटनले सम्झौता कार्यान्वयन नगर्नु भन्ने अल्पकालीन अन्तरिम आदेशलाई निरन्तरता दिएको छ।
न्यायाधीशहरू शालिग्राम कोइराला र श्यामकुमार भट्टराईको इजलासले स्वामित्व परिवर्तनको विषय देखिएको भन्दै अल्पकालीन अन्तरिम आदेशलाई निरन्तरता दिएको हो।
उच्च अदालतले रिट निवेदनको अन्तिम किनारा नलाग्दासम्म अन्तरिम आदेशले निरन्तरता पाउने स्पष्ट पारेको छ। उच्च अदालतले संवेदनशील विषयवस्तु रहेको भन्दै मुद्दालाई अग्राधिकारमा राख्न पनि आदेश दिएको छ।
