काठमाडौँ । कांग्रेस नेता तथा पूर्व गृहमन्त्री बालकृष्ण खाँणलाई अख्तियार दुरुपयोग अनुसन्धान आयोग लागिएको छ ।
नक्कली भुटानी शरणार्थी प्रकरणमा उच्च अदालतपाटनको आदेश अनुसार ३० लाख धरौटीमा छुटेका खाँणलाई आजै सम्पत्ति शुद्धीकरण अनुसन्धान विभाग लागिएको थियो । विभागले खाँणसँग १५ लाख रुपैयाँ धरौटी मागेपछि सो रकम बुझाएसँगै उनलाई अख्तियार लागिएको हो ।
नक्कली भुटानी शरणार्थी प्रकरणका आरोपी खाँणलाई बिहीबार उच्च अदालत पाटनले ३० लाख रुपैयाँ धरौटीमा छाड्न आदेश दिएको थियो ।
नक्कली भुटानी शरणार्थी प्रकरणमा पक्राउ परेका खाँणमाथि सम्पत्ति शुद्धिकरण अनुसन्धान विभाग र अख्तियार दुरूपयोग अनुसन्धान आयोगले समेत अनुसन्धान गर्नुपर्ने प्रहरीले राय दिएको थियो । नक्कली भुटानी शरणार्थी प्रकरणमा खाँणलाई उपस्थित गराउन यसअघि नै सम्पत्ति शुद्धीकरण र अख्तियारले केन्द्रीय कारागारमा पत्र पठाएका थिए । यसैले खाँणमाथि विभाग र अख्तियारले पुन : अनुसन्धान गर्ने छन् ।
