काठमाडौं । प्रतिनिधिसभाको आइतबारको बैठक आधा घण्टाका लागि स्थगित गरिएको छ । बैठकमा गणपूरक संख्या नपुगेपछि आधा घण्टाका लागि स्थगित गरिएको हो ।
सभामुख अग्निप्रसाद सापकोटाले नीति अध्ययन प्रतिष्ठान विधेयकमाथि विचार गरियोस् भन्ने प्रस्ताव निर्णयार्थ प्रस्तुत गर्न लाग्दा एमालेका सांसद झपट रावलले गणपूरक संख्या नपुगेको भनी प्रश्न उठाएका थिए ।
सांसद रावलले प्रश्न उठाएपछि सभामुखले सदस्य संख्या यकीन गर्न संसद सचिवालयलाई निर्देशन दिएका थिए । ३ मिनेट समय दिएर सांसदको संख्या गणना गर्दा ६३ जनामात्र उपस्थित भएको पाइएको थियो । त्यसपछि सभामुख सापकोटाले आधा घण्टाका लागि बैठक स्थगित गरेका छन् ।
