काठमाडौँ । नेकपा एकीकृत समाजवादीका केन्द्रीय सदस्य पुण्य गौतम नेकपा एमालेमा प्रवेश गरेका छन् ।
गौतमलाई मङ्गलवार काठमाडौँको भृकुटीमण्डपमा आयोजित चुनावी सभामा एमाले अध्यक्ष केपी ओलीले प्रवेश गराएका हुन् ।
ओलीले गौतमलाई एमालेको झन्डा प्रदान गरे भने गौतमले ओलीको खुट्टा ढोगेका छन् ।
उनले अहिलेको दुनियाँमा ओलीको स्थान भ्लादिमिर पुटिन र सी जिनपिङको जस्तै भएको बताए । उनले ओली राजनेता भएको पनि बताए ।
