काठमाडौं । नेकपा एमालेको केन्द्रीय बैठकले स्थानीय तह निर्वाचनका लागि उम्मेदवारको सिफारिस चैत मसान्तसम्म सक्न निर्देशन दिएको छ ।
दुई दिनदेखि काठमाडौंमा जारी केन्द्रीय कमिटीले बैशाख ३० मा हुने स्थानीय चुनावका लागि ढिलोमा चैत मशान्तसम्मको समयसीमा तोकेको एक केन्द्रीय सदस्यले जानकारी दिए ।
दुई दिने पोलिटब्यूरो बैठक सकिएपछि आयोजित पत्रकार सम्मेलनमा बोल्दै उपप्रमुख रिजालले स्थानीय कमिटीले गर्नुपर्ने सिफारिसको समयसीमा चैत मसान्तसम्म तोकिएको बताए ।
उनका अनुसार २२ वटा विभागको सचिव नियुक्त गर्ने जिम्मा केन्द्रीय सचिवालयलाई दिएको छ । यसअघि विभागका इञ्चार्ज र सहइञ्चार्जको जिम्मेवारी तोके पनि सचिव पद रिक्त रहेको थियो ।
एमालेले ६ महानगर र ११ उपमहानगरको उम्मेदवार केन्द्रीय कमिटीले छनोटको मापदण्डसमेत पारित गरेको छ । त्यस्तै नगरपालिका र गाउँपालिकाको उम्मेदवार प्रदेश कमिटी र वडाध्यक्ष र सदस्य जिल्ला कमिटीले छनोट गर्ने निर्णय गरेको थियो ।
स्थानीय कमिटीले उम्मेद्वार सिफारिस गरेर माथिल्लो कमिटीमा पेस गर्नुपर्ने छ । सोही आधारमा माथिल्लो कमिटीले उम्मेद्वारको छनोट गर्नेछ ।
