काठमाडौं । राष्ट्रपति विद्यादेवी भण्डारीले आज कोरोना भाइरसविरुद्धको खोप लगाउने भएकी छन् ।
त्रिवि शिक्षण अस्पतालमा रहेको खोप केन्द्रमा दिउँसो ४ बजे उनले खोप लगाउने तयारी भएको राष्ट्रपति कार्यालयले जनाएको छ ।
यसअघि प्रधानमन्त्री केपी ओलीले फागुन २३ गते त्रिवि शिक्षण अस्पतालमै कोरोनाविरुद्धको खोप लगाएका थिए ।
प्रधानमन्त्री ओलीले खोप लगाउँदै ६५ वर्षभन्दा माथिका ज्येष्ठ नागरिकलाई खोप लगाउने अभियान सुरु गरिएको थियो । हिमाली जिल्लामा भने ५५ वर्षभन्दा माथिका नागरिकलाई खोप वितरण भइरहेको छ ।
नेपालमा दोस्रो डोजको खोप भने अभाव हुने भएको छ । अपेक्षाअनुसार र गरिएको प्रतिबद्धताअनुसार विदेशबाट खोप नआएपछि दोस्रो चरणको खोप प्रभावित बन्ने भएको हो ।
