काठमाडौं । नेपाली कांग्रेसले रसुवाको क्रियाशील सदस्यता विवरण सार्वजनिक गरेको छ ।
मंसीरमा केन्द्रीय महाधिवेशन गर्ने निर्णय गरेको नेपाली कांग्रेसले रसुवासहित ७६ जिल्लाको क्रियाशील सदस्यता विवरण सार्वजनिक गरेको हो । अब प्रदेश नम्बर दुईको रौतहटको क्रियाशील सदस्यता विवरण सार्वजनिक हुन बाँकी छ ।
कांग्रेसले छठपछि वडा अधिवेशन हुन बाँकी रहेका १३ जिल्लासहित बाँकी रहेका अन्य जिल्लामा समेत तल्ला तहको अधिवेशन शुरु गर्दैछ । कांग्रेसको केन्द्रीय महाधिवेशन आगामी मंसीर २४ देखि २६ गतेसम्म काठमाडौंमा हुँदैछ ।
