काठमाडौं । सिंहदरबारको पूर्वी गेटअगाडि ढल फुटेर दुर्गन्ध फैलिएको छ ।
ढल फुटेर सडकको आधा भाग ओगट्दा यस रुटमा चल्ने यातायात सञ्चालनमा कठिन भएको छ । ढलका कारण सडक हिलाम्मे भएको छ भने पैदल यात्री र सवारीसाधनका चालकहरुले सास्ती व्यहोर्नुपरेको छ ।
सिंहदरबार पूर्वी गेटमा मंगलबार दिउँसोदेखि ढल फुटेर सडकमा दुर्गन्ध फैलिँदासमेत सम्बन्धित निकायले सफा गर्ने तथा मर्मत गरेको छैन ।
पूर्वी गेट वरपरका स्थानीयहरु पनि ढलको दुर्गन्धका कारण समस्यामा परेका छन् ।
