काठमाडौँ । सिरहाको लाहानस्थित मालपोत कार्यालयमा शक्तिशाली कुकर बम विस्फोट भएको छ । केही समयअघि भएको विस्फोटबाट ६ जना घाइते भएका छन् ।
आइतबार दिउँसो १२ बजेर ४० मिनेटमा कार्यालय परिसरमा कुकर बम विस्फोट भएको सहायक प्रमुख जिल्ला अधिकारी कृष्णकुमार निरौलाले जानकारी दिएका छन् ।
बमको छर्रा लाग्दा एकजना गम्भीर घाइते भएका छन् । कार्यालय भित्र रहेका मानिसको भागाभाग भएको थियो । बम विस्फोट कसले गरायो भन्ने खुल्न सकेको छैन ।
सिरहाको लहानस्थित मालपोत कार्यालयमा गणतान्त्रिक मुक्ति मोर्चा ‘गोइत’ समूहको पर्चा फेला परेको छ। प्रदेश २ का डिआइजी धीरजप्रताप सिंहका अनुसार बम विस्फोट भएको स्थान नजिकै गोइत समूहको पर्चा फेला परेको हो।
तस्बिरः मनोरञ्जन मिश्रको फेसबुक
