काठमाडौं । प्रमुख विपक्षी दल नेपाली काँग्रेसले पार्टी सभापति शेरबहादुर देउवाको नेतृत्वमा सरकार बनाउने निर्णय गरेको छ ।
मंगलबार सभापति शेरबहादुर देउवाको निवास बुढानीलकण्ठमा बसेको पदाधिकारी र पूर्व पदाधिकारीसहितको बैठकले राष्ट्रपतिले दिएको समयसीमा भित्र सरकार बनाउन आवश्यक समर्थन जुटाउन सम्पूर्ण रुपमा पार्टी क्रियाशील रहने निर्णय गरेको हो । देउवाको नेतत्वमा सरकार बनाउन बहुमत पुग्ने कांग्रेसले विश्वास लिएको छ ।
पदाधिकारी बैठकले माओवादी केन्द्र र जनता समाजवादी पार्टीको समर्थनमा सरकार बनाउने निर्णय गरेको सहमहामन्त्री डा. प्रकाशशरण महतले जानकारी दिए । ‘माओवादी केन्द्र र कांग्रेस एक ठाउँमा छन । जसपा एकजुट भएर यो अभियानमा सामेल होस भन्ने हामी चाहन्छौं,’ बैठकपछि पत्रकारहरुसित महतले भने, ‘माधवजीहरुको पनि सहयोग जुटाउने कोसिस रहन्छ ।’
।
एमालेभित्रका माधव नेपाल समुहका सांसदहरुले पनि फ्लोरक्रर गर्ने सम्भावन पनि जीवतै रहेकाले देउवा नयाँ नेतृत्वमा सरकार बन्ने कुरामा विपक्षी दल आशावादी
छन ।
जसपाको महन्थ ठाकुर समूह भने केपी शर्मा ओली नेतृत्वको वर्तमान सरकारकै निरन्तरताको पक्षमा छ ।
