काठमाडौं । नेपाली कांग्रेसका नेता डा. शशांक कोइरालाले चीनसँग सहकार्य गर्न कांग्रेस पछि नहट्ने बताएका छन् ।
चिनियाँ कम्युनिस्ट पार्टी (सीपीसी) अन्तर्राष्ट्रिय विभागकी उपमन्त्री सुन हाइयान सहित काठमाडौंमा आयोजित अन्तरक्रिया कार्यक्रममा बोल्दै उनले कांग्रेस चीनसँग सहकार्य गर्न तयार रहेको बताए ।
नेपालको विकास पनि चीनको विकास सरह बनाउनका लागि नेपाल चीनसंग सहकार्य गरेर अघि बढ्न चाहेको उनले बताए । चीनले नेपाल विभिन्न प्राकृतिक विपत्तिमा परेको बेला सहयोग गर्दै आएको प्रशंसा गर्दै नेता कोइरालाले नेपाल–चीन सम्बन्ध पन्चशीलमा आधारित रहेको उल्लेख गरे ।
