काठमाडौं । संसद बैठक शुक्रबारका लागि बोलाइएको छ ।
संघीय संसदको दुबै सदनको बैठक शुक्रबार बस्न लागेको हो । यसअघि अधिवेशनकै पहिलो दिन बुधबारको बैठक एमालेले अवरोध गरेको थियो । एमालेले बुधबार बसेका ३ वटै बैठक अवरुद्ध गरेको थियो । तर सरकारले भने एमालेको अवरोधका बिचमा राजनीतिक दलसम्बन्धी अध्यादेश पेश गरेको थियो ।
बुधबारको बैठक अवरुद्ध गरेको एमालेले माधवकुमार नेपाल नेतृत्वको नेकपा एकिकृत समाजवादी पार्टीका सांसदहरुलाई बैठकमा प्रवेश नरोकेसम्म संसद चल्न नदिने अडान अघि सारेको छ । प्रतिनिधिसभाको शुक्रबारको बैठकमा सरकारले बजेट अध्यादेशसहित विनियोजन अध्यादेश समेत पेश गर्ने तयारी गरेको छ ।
शुक्रबारको बैठकमा समेत एमाले अध्यक्ष केपी शर्मा ओली नेतृत्वको यसअघिको सरकारले जारी गरेका अध्यादेश पेश गर्ने कार्यसूची राखिएको छ ।
