काठमाडौं । काठमाडौं त्रिपुरेश्वरमा बसमा भएको आगलागीमा गम्भीर घाइते भएका चालकको उपचारका क्रममा मृत्यु भएको छ ।
उनको कीर्तिपुर बर्न अस्पतालमा उपचारका क्रममा आज बिहान निधन भएको उपत्यका ट्राफिक प्रहरी कार्यालयका प्रवक्ता एसपी नरेशराज सुवेदीले जानकारी दिए । उनका अनुसार मृतकको नाम र ठेगाना भने खुल्न बाँकी छ ।
सोमबार मध्यान्ह ऋद्धिसिद्धि यातायातको बसमा आगलागी हुँदा उनी घाइते भएका थिए । उनको शरीको धेरै भाग जलेको थियो ।
सुरक्षाकर्मी र स्थानीयले उनलाई गाडीबाट निकालेर बर्न अस्पताल पुर्याएका थिए ।
