काठमाडौं । नेपाल दलित संघका केन्द्रीय अध्यक्ष लोक बहादुर विश्वकर्माले पदबाट राजीनामा दिएका छन् । उनले पारिवारिक तथा शारीरिक समस्याका कारण हाललाई जिम्मेवारी निर्वाह गर्न असमर्थ रहेको जनाउँदै राजीनामा पेश गरेका हुन् ।
विश्वकर्माले नेपाली कांग्रेस केन्द्रीय समितिको २०८० साउन १० गतेको निर्णय र २०८० असोज १३ गतेको पत्रअनुसार तत्कालीन पार्टी सभापति शेरबहादुर देउवाले आफूलाई नेपाल दलित संघको केन्द्रीय तदर्थ कार्यसमितिको अध्यक्षमा नियुक्त गरेको स्मरण गर्दै आभार व्यक्त गरेका छन् ।
आज नेपाली कांग्रेस केन्द्रीय कार्यालयमा बुझाइएको राजीनामा पत्रमा उनले संघका अन्य गतिविधिमा भने सधैं सक्रिय रहने प्रतिबद्धता पनि व्यक्त गरेका छन् ।
