काठमाडौँ । ईङलिश प्रिमियर लिग अन्तर्गत आर्सनलले धक्का बेहोरेको छ । गएराती सम्पन्न खेलमा आर्सनल फुलह्यामसँग २-२ गोलको बराबरीमा रोकिएर धक्का बेहोरेको हो ।
खेलको पहिलो मिनेटमा नै आन्द्रेज पेरेइराको गोलमा आर्सनलमाथि दबाब बनाएको फुलह्यामले खेलको ८७औँ मिनेटमा जोआओ पाल्हिन्हाले गोल गर्दै बराबरी गरेका थिए ।
आर्सनलका लागि खेलको ७०औ मिनेटमा बुकायो साकाले पेनाल्टीमार्फत गोल गरेका थिए भने ७२औं मिनेटमा एडी एनकेटीहले दोस्रो गोल गरेका थिए ।
यस खेलमा खेलको ८३औं मिनेटमा काल्भिन बासीले रातो कार्ड पाएपछि फुलह्याम १० खेलाडीमा सिमित भएको थियो ।
यसअघि लगातार दुई खेलमा जित हासिल गरेको आर्सनलले तेस्रो खेलमा बराबरीमा रोकिएर नयाँ सिजनमा शुरुवाती झट्का लागेको छ । यो खेलपछि आर्सनलको ३ खेलमा ७ अंक भएको छ ।
त्यसैगरी फुलह्यामको भने ३ खेलमा ४ अंक भएको छ ।
