काठमाडौँ । चितवनको भरतपुर महानगरपालिका प्रमुखमा माओवादी केन्द्रकी उम्मेदवार रेनु दाहालले मतान्तर बढाउँदै लगेकी छन् ।
पछिल्लोपटक सार्वजनिक मत परिणाम अनुसार सत्ता गठबन्धनबाट उम्मेदवार रहेकी माओवादी केन्द्रकी रेनुले १५ हजार १३४ मत पाएकी छन् । जुन नेकपा एमालेबाट प्रमुखमा उठेका विजय सुवेदीको भन्दा २ हजार ३ सय मत बढी हो । सुवेदीले १२ हजार ७७७ मत प्राप्त गरी रेनुलाई पछ्याइरहेका छन् ।
अर्का स्वतन्त्र उम्मेदवार जगन्नाथ पौडेलले ६ हजार ९० मत प्राप्त गरेका छन् ।
त्यस्तै, उपमेयरमा गठबन्धनबाट उम्मेदवार बनेका कांग्रेसका चित्रसेन अधिकारीले १७ हजार ५३५ मत प्राप्त गरेका छन् भने राप्रपाकी हिमला गुरूङले ९ हजार ७३२ मत प्राप्त गरेकी छिन् ।
