काठमाडौं । कोरोना भाइरसको दोस्रो लहरमा आधा दर्जन चिकित्सकले ज्यान गुमाएका छन् । पछिल्लो पटक रुपन्देहीमा कोरोनाभाइरसको संक्रमणबाट ३५ बर्षिय डा. पशुपति रजौरियाको निधन भएको छ ।
उनको बुधबार राति काठमाडौँको ग्राण्डी अस्पतालमा उपचारका क्रममा मृत्यु भएको हो । भैरहवामा रहेको युनिभर्सल मेडिकल कलेज शिक्षण अस्पतालमा कार्यरत रहेका उनलाई कोरोना संक्रमण देखिएको थियो ।
कोरोना संक्रमितको उपचारमै खटिएका डा. रजौरियाको बुधबार राति मृत्यु भएको हो । श्रीमतीसँगै कोरोना संक्रमित भएका रजौरिया भने भाइरसलाई पराजित गर्न सफल भएनन् । उनकी श्रीमती भने निको भएकी छन् ।
