काठमाडौं । नेकपा माओवादी केन्द्रका अध्यक्ष प्रचण्डले आगामी बैशाखमा संघीय चुनावको प्रस्ताव अघि सारेका छन् ।
अध्यक्ष प्रचण्डले एमालेले निरन्तर संसद अवरोध गरिरहेको र संसदको गतिरोध समेत हट्ने संकेत नदेखिएकाले संघीय चुनाव गर्ने प्रस्ताव अघि सारेको दाबी गरेका छन् ।
पहिलो संघीय चुनाव गरेर प्रदेशको चुनाव गर्ने प्रचण्डको प्रस्ताव छ । उनले संघीय र प्रदेशको चुनाव सकिएपछि स्थानीय तहको चुनाव गर्ने प्रस्ताव समेत अघि सारेका हुन् । गठबन्धनको बैठकमा समेत चुनावका बारेमा छलफल भएको उनको भनाई छ ।
सत्तारुढ गठबन्धनले बनाएको उच्चस्तरिय राजनीतिक संयन्त्रको बैठक बिहिबार बस्दैछ ।
