काठमाडौं । नेपाली कांग्रेसका महामन्त्री डाक्टर शशांक कोइरालाले संस्थापन इतर समूहबाट साझा उम्मेदवार तय हुन नसके नेतृत्व परिवर्तन गर्न नसकिने बताएका छन् ।
संस्थापन इतर समूहको आज बसेको बैठकपछि सञ्चारकर्मीहरुलाई प्रतिक्रिया दिदै महामन्त्री कोइरालाले सभापतिमा दावी गर्ने चार जना बीचमा साझा उम्मेदवार तय गर्न नसके सभापति शेरबहादुर देउवालाई पार्टी बुझाइदिए हुने बताएका हुन् ।
बैठकपछि उनले भने,‘रामचन्द्र दाई, प्रकाशमानजी, शेखरदा र म बसेर सहमतिको प्रयास गर्छौं ।’ संस्थापनइतर समुहको आजको बैठकमा पूर्वमहामन्त्री प्रकाशमान सिह भने उपस्थित थिएनन् ।
