काठमाडौं । नेपाली कांग्रेसको केन्द्रीय महाधिवेशन प्रतिनिधिमा सोलुखुम्बुकी २१ वर्षीया पूजा फुँयाल निर्वाचित भएकी छन् । शनिबार सम्पन्न अधिवेशनमा खसआर्य महिलातर्फ टंकीमाया बस्नेतसँग समान ४ सय ३ मत ल्याएपछि गोलाप्रथाबाट फुँयाल महाधिवेशन प्रतिनिधि निर्वाचित भएकी हुन् ।
सोलुखुम्बुको नेचा सल्यान गाउँपालिकाबाट कान्छी क्षेत्रीय प्रतिनिधि बनेकी फुँयाल हालसम्म निर्वाचितमध्ये कान्छी महाधिवेशन प्रतिनिधि हुन् । सानोठिमी क्याम्पस भक्तपुरकि स्ववियु सदस्यसमेत रहेकी फुयाँलले महाधिवेशन प्रतिनिधि निर्वाचित हुन पाउँदा गर्व महसुस गरेको बताइन् ।
कांग्रेसलाई आफूजस्तै युवाहरुको आकर्षणको केन्द्र बनाउन सकेको योगदान गर्ने फुँयालको भनाई छ । ‘कांग्रेस युवाहरुको पनि पार्टी हो । युवाहरुको भविष्य कांग्रेसमै छ भन्ने स्थापित गर्नेगरी सक्रिय रहन्छु,’ उनले भनिन् ।
उनि महिला (खस/आर्य) कोटामा टंकीमाया बस्नेतसंग उनको ४०३/४०३ समान मत आएकाले गोलाप्रथा गर्दा विजयी भन्नुभएको हो । फुयाँल जिल्लाकै कान्छी महाधिवेशन प्रतिनिधि हुन् । उनि नेपाल विद्यार्थी सङ्घ सोलुखुम्बुको कोषाध्यक्ष समेत हुन् ।
यस्तै प्रधानमन्त्री शेरबहादुर देउवाले नेपाली कांग्रेसका पदाधिकारी सर्वसम्मत चयन गर्न आग्रह गर्नुभएको छ । सुनसरीको देवानगञ्ज गाउँपालिका–२ मा आज गाउँपालिकाको कार्यालय भवन उद्घाटन कार्यक्रमलाई सम्बोधन गर्ने क्रममा उहाँले पार्टीको १४औँ महाधिवेशनअन्तर्गत अधिवेशन हुुन बाँकी रहेका पदमा सर्वसम्मत पदाधिकारी चयन गर्न नेता तथा कार्यकर्तासँग आग्रह गर्नुुभयो ।
नेपाली कांग्रेसका सभापतिसमेत रहनुभएका उहाँले पार्टीको क्षेत्र, जिल्ला, केन्द्रीय महाधिवेशन प्रतिनिधि र प्रदेश अध्यक्षसहितका पदाधिकारी सकभर सर्वसम्मतरूपमा चयन गर्न आग्रह गर्दै त्यसो नभए स्वच्छ प्रतिष्पर्धाबाट चयन गर्न अनुरोध गर्नुभयो ।
उहाँले पार्टीभित्रैको आन्तरिक निर्वाचनमा कडा प्रतिष्पर्धाको हिसाबले नभई सकभर सर्वसम्वत नभए लोकतान्त्रिक पद्दतिअनुसार स्वच्छ निर्वाचन गरेर पदाधिकारी चयन गर्नका लागि आग्रह गर्नुभयो ।
पार्टीभित्रको आन्तरिक निर्वाचनमा कडा प्रतिष्पर्धा भए आफ्नै पार्टीभित्रका नेता तथा कार्यकर्तामा द्वन्द्व हुनुाका साथै पार्टीलाई समेत आउने निर्वाचनमा घाटा हुुने भएकाले त्यसतर्फ ध्यान केन्द्रित गर्न प्रधानमन्त्री देउवाले नेता तथा कार्यकर्तालाई सचेत गराउनुभयो ।
उहाँले यस क्षेत्रको शिक्षा, स्वास्थ्य, सिँचाइ, कृषि, विकास निर्माण लगायतका क्षेत्रमा भएको समस्या समाधान गर्नका लागि आफूू प्रतिबद्ध रहेको बताउनुुभयो ।
कार्यक्रममा प्रदेश नं १ का प्रमुख पर्शुराम खापुुङग, पूूर्वउपप्रधानमन्त्री विजयकुमार गच्छादार, सञ्चार सूचना तथा प्रविधिमन्त्री ज्ञानेन्द्रबहादुुर कार्की, नेपाली कांग्रेस १ नम्बर प्रदेशका संसदीय दलका नेता राजिव कोइराला, पूूर्वराज्यमन्त्री तथा सङ्घीय संसद् सीताराम मेहता, सुुनसरीका प्रमुुख जिल्ला अधिकारी इन्द्रदेव यादव, प्रहरी प्रमुुख सञ्जयसिंह थापालगायतको सहभागिता थियो ।
