काठमाडौँ । जारी आइसीसी क्रिकेट विश्वकपमा भारतका अलराउन्डर हार्दिक पाण्डेय घाइते भएका छन् ।
अहिले जारी बंगलादेशविरुद्धको खेलमा बलिङ गर्नेक्रममा घाइते भएका हार्दिक ०.३ ओभर बलिङ गरेपछि घाइते भएपछि मैदान छोडेका थिए । हार्दिक मैदान बाहिर गएपछि उनको ओभर विराट कोहलीले पुरा गरेका थिए ।
उनको एन्कल ट्वीष्ट भएको बताइएको छ र अहिले हार्दिकको स्क्यान गर्न लागिएको बोर्डले जानकारी दिएको छ ।
हार्दिकले यस विश्वकपमा उत्कृष्ट प्रदर्शन गरिरहेका थिए । उनले यसअघिका तीन खेलमा कुल ५ विकेट लिएका थिए ।
