काठमाडौं । आज साँझ बस्ने मन्त्रिपरिषद् बैठकले नयाँ गभर्नर नियुक्त गर्ने सम्भावना रहेको छ। प्रधानमन्त्रीको सचिवालयका अनुसार बैठक नियमित भए पनि गभर्नर नियुक्ति एजेन्डामा समावेश भएको बताइएको छ।
सरकारले गत बुधबार गभर्नर सिफारिस समिति गठन गरेको थियो। समितिमा अर्थमन्त्री विष्णु पौडेल, पूर्व गभर्नर महाप्रसाद अधिकारी र पोषराज पाण्डे सदस्य रहेका छन्। समिति आजै बस्ने बैठकमार्फत तीनजनाको नाम सिफारिस गर्ने तयारीमा रहेको छ। सिफारिस भएका तीमध्ये एकजनालाई मन्त्रिपरिषद्ले अनुमोदन गर्नेछ।
नयाँ गभर्नर नियुक्तिले वित्तीय स्थायित्व र नीति निर्माणमा नयाँ दिशा प्रदान गर्ने अपेक्षा गरिएको छ। यसअघि भएका निर्णयहरूको समीक्षा गर्दै आर्थिक सुधारका कार्यक्रमहरूलाई प्राथमिकतामा राखिने स्रोतले जनाएको छ।
