काठमाडौं । नेकपा एमालेका अध्यक्ष केपी शर्मा ओलीले अहिलेको आर्थिक अबस्थाका कारेमा स्वेतपत्र जारी गर्न माग गरेका छन् ।
आफु नेतृत्वको सरकारले विदेशबाट ल्याउन खोजेको ऋण र वैदेशिक अनुदान लिने अहिलेको सरकाले चासो नदिएको भन्दै अर्थतन्त्र धराशायी अबस्थामा पुगेको दाबी समेत गरे ।
नेकपा एमालेको उद्योग विभागले गरेको कार्यक्रममा अध्यक्ष ओलीले अब अर्थतन्त्रका बारेमा एमाले चुप लागेर नबस्ने समेत चेतावनी दिए ।
नेपालको अहिलेको आर्थिक अबस्था भयावह अबस्थामा रहेको भन्दै अध्यक्ष ओलीले भने,‘हामी अर्थतन्त्रको भयावह अबस्थामा छौं । नीजि क्षेत्रले असर भोग्नुपरिरहेको छ ।’
सरकारको आलोचना नगर्न खोजेको भएपनि अब सहन नसक्ने अबस्थामा अर्थतन्त्र पुगेको भन्दै अब हस्तक्षेपकारी भूमिका निर्वाह गर्ने समेत बताए । उनले भने,‘सरकारको सारै भयो । आलोचना नगर्न खोज्यौं । सरकारले जुरो हल्लाएर स्वेतपत्र जारी गरेको थियो । फेरी एउटा स्थितीपत्र जारी गर्न अर्थमन्त्रीलाई आग्रह गर्छु ।’
स्वेतपत्रमा जारी गर्दा अहिलेको अर्थतन्त्रको अबस्था मात्रै नभएर समस्याको समाधानको उपाय समेत समावेश गर्न अध्यक्ष ओलीले सरकारलाई सुझाव दिएका छन् ।
