काठमाडौं । नेपालमा कोरोना भाइरस संक्रमणबाट आज मध्यान्नअघिसम्म थप चार जनाको मृत्यु भएको छ । रुपन्देहीमा २, सुनसरी र चितवनमा १–१ जनाको निधन भएको हो ।
बुटवलस्थित कोरोना विशेष अस्पतालमा थप दुई संक्रमितको मृत्यु भएको छ । तिलोत्तमा नगरपालिका ११ की ५० वर्षीया महिला बुटवल उपमहानगरपालिका १३ का ५२ वर्षीय पुरुषको उपचारको क्रममा मृत्यु भएको हो ।
चितवनको भरतपुर अस्पतालमा उपचारको क्रममा एक जना कोरोना संक्रमितको मृत्यु भएको छ । भरतपुर महानगरपालिका–२१ बस्ने ५६ वर्षीय पुरुषको उपचारको क्रममा मृत्यु भएको हो ।
वीपी कोइराला स्वास्थ्य विज्ञान प्रतिष्ठानमा धरान उपमहानगरपालिकामा ५० वर्षीय पुरुषको पनि उपचारको क्रममा मृत्यु भएको छ । योसँगै नेपालमा कोरोना भाइरस संक्रमणका कारण मृत्यु हुनेको संख्या ८ सय ६८ पुगेको छ ।
