काठमाडौं । नेकपा एमालेले बिहिबारसम्म स्थानीय तह निर्वाचन घोषणापत्र मस्यौदालाई अन्तिम रूप दिने भएको छ ।
पार्टी कार्यालय थापाथलीमा बुधबार बसेको कार्यदलको बैठक घोषणापत्रको मस्यौदामा छलफल भएको र बिहीबार अन्तिम रूप दिने तयारी भएको एमाले उपमहासचिव प्रदीप ज्ञवालीले जानकारी दिए ।
एमालेले चुनावका लागि घोषणापत्र बनाउन वरिष्ठ उपाध्यक्ष ईश्वर पोखरेलको संयोजकत्वमा सात सदस्यीय कार्यदल गठन गरेको थियो ।
