काठमाडौं । नेकपा (एमाले)को निर्वाचन समीक्षा तथा पार्टी पुनर्गठन कार्यदलको बैठक आज (शनिबार) पनि बस्दैछ ।
पार्टी सचिव तथा कार्यदलका सदस्य महेश बस्नेतका अनुसार पार्टी कार्यालयमा आज साँझ बस्ने बैठकमा शुक्रबार प्रस्तुत कार्यदलको प्रतिवेदनमाथि छलफल हुनेछ ।
शुक्रबार बसेको कार्यदलको बैठकमा उपाध्यक्ष तथा कार्यदलका संयोजक रामबहादुर थापा ‘बादल’ र महासचिव शंकर पोखरेलले निर्वाचन समीक्षा तथा पार्टी पुनर्गठनसम्बन्धी छुट्टाछुट्टै प्रतिवेदन पेस गरेका थिए । सोही प्रतिवेदनमाथि आजदेखि छलफल हुन लागेको जानकारी सचिव बस्नेतले दिएका छन् ।
