काठमाडौं । अर्जेन्टिनाका महान् फुटबलर लियोनल मेसीले अन्तर्राष्ट्रिय फुटबलबाट सन्न्यास लिने घोषणा गरेका छन् ।
३९ वर्षीय मेसीले कतारमा भएको सन् २०२२ को विश्वकपमा अर्जेन्टिनालाई विश्वविजेता बनाएका थिए ।उनले राष्ट्रिय टोलीका लागि २०७ खेलमा १२५ गोल गरे । अर्जेन्टिनाका सर्वाधिक गोलकर्ता र सबैभन्दा धेरै अन्तर्राष्ट्रिय खेल खेल्ने खेलाडी रुपमा उनलाई चिनिन्छ ।
मेसी वर्षको विश्वकपमा उपविजेता बनेका थिए । सन् २०१४ को विश्वकपमा पनि अर्जेन्टिना उपविजेता बनेको थियो । मेसीले अर्जेन्टिनालाई दुईपटक कोपा अमेरिकाको उपाधि दिलाउन सफल भएका थिए । सन्न्यास घोषणा गर्दै मेसीले आफूलाई यो निर्णय लिन निकै पीडा भएको भएको सामाजिक संजालमा सार्वजनिक गरेका छन् । इन्स्टाग्राममा जारी गरेको वक्तव्यमा उनले ‘यो निर्णयले मलाई चोट पुर्यायो र मनको गहिराइमा अझै दुखिरहेको छ । तर अब समय आएको म बुझ्छु लेखेका छन् ।
जीवनका केही अध्यायहरू अन्त्य हुने क्रममा रहेको उल्लेख गर्दै राष्ट्रिय टोलीबाट अलग हुने निर्णय आफ्नो लागि निकै भावुक भएको बताएका छन् ।
‘म राष्ट्रिय टोलीको हिस्सा बन्नुलाई माया गर्छु, माया गर्थें र सधैं माया गरिरहनेछु । मैले आफूसँग भएको सबैथोक दिएको छु । अब दिनका लागि मसँग केही बाँकी छैन । साथै, केही उत्कृष्ट युवा खेलाडीहरू पनि आइरहेका छन्, जो यहाँ हुन योग्य छन्,’ उनले भनेका छन् । पिताको निधनपछि मेसीले जारी गरेको वक्तव्यमा उनले आफूले अब धेरै लामो समयसम्म राष्ट्रिय टोलीका लागि खेलिरहने कि नरहने भन्ने विषयमा ‘धेरै शंका’ रहेको बताएका थिए ।
