काठमाडौँ । उद्योगीको बक्योताको टाइम अफ डे (टीओडी) मिटर समेतको आधारमा प्रशासनिक तथा प्राविधिक हिसाब गर्न सुरु भएको छ ।
विद्युत महसुलको बक्यौता रकम प्रशासनिक तथा प्राविधिक हिसाबले आवश्यक जाँच गरी टीओडी मिटर समेतको आधारमा प्रतिवेदन पेश गर्न प्रा. डा. अरविन्दकुमार मिश्रको संयोजकत्वमा गठन भएको समितिले हिजोबाट काम थालेको हो ।
सो समितिले नेपाल विद्युत प्राधिकरणले उद्योगलाई पठाएको बिल टीओडी मिटर अनुसार छ कि छैन भनेर अध्ययन गर्नेछ । भने, प्राधिकरणले उद्योगबाट डेडिकेटेड तथा टंक लाइको उठाउन पर्ने भनेको बक्यौताको पनि टीओडी मिटर अनुसार प्रशासनिक तथा प्राविधिक हिसाब गर्ने छ ।
२०७२ माघ देखि २०७५ वैशाखसम्म डेडिकेटेड र टंक लाइनको हिसाब गर्ने छ । विद्युत बक्यौता महसुल रकमका सम्बन्धमा जाँचवुझ गरी प्रतिवेदन पेश हुने छ ।
समितिले लालको प्रतिवेदनअनुसार नै हिसाब गर्ने बताइएको छ । हिसाब गर्ने समितिको कार्यालय जल तथा मौसम विज्ञान विभाग ७औँ तलामा रहेको छ ।
लाल आयोगको प्रतिवेदन सार्वजनिक गर्दै सरकारले टीओडी मिटरअनुसार उद्योगीलाई १५ दिन भित्र बिल दिने र बाँकी बक्यौता उठाउने निर्णय गरेको थियो ।
