काठमाडौं । प्रधानमन्त्री केपी शर्मा ओलीले कुनै पनि धर्मका नाममा राजनीति गर्न नहुने बताएका छन् ।
प्रधानमन्त्री निवासमा आज जैनश्वेताम्बर तेरापन्थ सभाका पदाधिकारीसँगको भेटमा प्रधानमन्त्री ओलीले धर्म निरपेक्ष हाम्रो मुलुकमा राज्यले सबै धर्मलाई सम्मान गर्ने भएकाले यसका नाममा राजनीति हुन नहुने बताएका हुन् ।
“नेपालमा एकातिर हिन्दूू राज्य हुनुुपर्छ भनेर अभियान चलाइएको छ । अर्कातिर इसाई धर्म विस्तारका नाममा गरिबीको दुरुपयोग गरिएको छ”, प्रधानमन्त्री ओली भन्छन्, “यस्ता कुराहरुलाई हामी क्रमशः नियन्त्रण गर्छौं ।”
कुनैपनि धर्मका नाममा असहिष्णुता र सक्ङीर्णता राख्न नहुने बताउँदै उनले कुन धर्म मान्ने भन्ने मान्छेको व्यक्तिगत आस्थाको कुरा भएको र त्यसको सबैले सम्मान गर्नुपर्ने बताए ।
