काठमाडौँ । भौतिक पूर्वाधार तथा यातायात मन्त्री देवेन्द्र दाहालले पूर्वाधार निर्माणको अध्ययन र डिजाइनमा केहि समस्याहरु देखिएको बताएका छन् ।
सोमबार सिंहदरबारमा बसेको राष्ट्रियसभा अन्तर्गतको विकास, आर्थिक मामिला तथा सुशासन समिति बैठकमा मन्त्री दाहालले सडक, पूल लगाएतका संरचना निर्माण गर्दा अध्ययन र डिजाइनमा केहि समस्याहरु देखिएको बताएका हुन् । अहिलेको अवस्थामा संरचनाहरु बाढि पहिरोका बेला थेग्न सक्ने छ की छैन भन्ने बिषय गम्भीर देखिएको बताए ।
मन्त्री दाहालले इन्जिनियर, भूगर्भविद, वातावरणविद्को भूमिका देशमा कमजोर जस्तो देखिएकाले पूर्वाधार निर्माणको सर्वे र डिजाइनमा पूनर्विचार गर्नुपर्ने बताए । उनले हालैको बाढि पहिरोका कारण सडकतर्फ १४ अर्व ३४ करोड र पुलतर्फ ९५ करोडको क्षति भएको समेत जानकारी गराए ।
मन्त्री दाहालले बिकासका लागि विद्यमानहरु बाधक रहेको उल्लेख गरे । उनले सरकारले १०० दिनमा राखेको लक्ष्य अनुसार मन्त्रालयले काम गरिरहेको बताए ।
