काठमाडौँ । राष्ट्रिय प्रजातन्त्र पार्टी (राप्रपा) ले ३०२औँ पृथ्वीजयन्ती तथा राष्ट्रिय एकता दिवसका अवसरमा आयोजना गरेको जलपान कार्यक्रममा प्रधानमन्त्री पुष्पकमल दाहाल प्रचण्डसहित प्रमुख दलका शिर्ष नेताहरु सहभागी भएका छन् ।
शुक्रबार काठमाडौंको भृकुटीमण्डपमा आयोजित जलपान समारोहमा सभामुख देवराज घिमिरे, नेपाली कांग्रेसका सभापति शेरबहादुर देउवा, राष्ट्रिय स्वतन्त्र पार्टी (रास्वपा) का सभापति रवि लामिछानेलगायत सहभागी भएका हुन् ।
जलपानअघि राप्रपाले पदयात्रा गर्दै सिंहदरबारको मूलद्वारस्थित पृथ्वीनारायण शाहको शालिक पुगेर माल्यार्पण गरेका थिए ।
राप्रपा नेपालले पृथ्वीजयन्ती तथा राष्ट्रिय एकता दिवसका अवसरमा प्रत्येक वर्ष पुस २७ गते चियापान कार्यक्रम गर्दै आएको छ।
