काठमाडौँ । प्रतिनिधि सभाको कानुन न्याय तथा मानव अधिकार समितिले नेपाल र भारतबीचको सम्झौता उपलब्ध गराउन निर्देशन दिएको छ ।
बुधबार बसेको समितिको बैठकले हालै सम्पन्न भारतीय विदेशमन्त्री जयशंकरको नेपाल भ्रमणको क्रममा नेपाल र भारतबीच भएका सम्झौता ७ दिनभित्र समितिलाई उपलब्ध गराउन निर्देशन दिएको हो ।
समितिले बुधबार जयशंकरको भ्रमणका बेला भएका सम्झौता बारेमा जानकारी लिन प्रधानमन्त्रीलाई बोलाएको थियो । सो बैठकमा प्रधानमन्त्रीले भारतसँग भएका सम्झौताबारे जानकारी गराएका थिए ।
समितिको बैठकमा भारतसँग भएका सम्झौताको विवरण समितिलाई जानकारी गराउनुपर्ने माग सांसदहरुले गरेका थिए ।
