काठमाडौँ । ईङलिश प्रिमियर लिगमा यस सिजनमा खराब शुरुवात गरेको चेल्सी विजयी लयमा फर्किएको छ । शनिबार सम्पन्न खेलमा चेल्सीले लगातार दोस्रो जित हासिल गर्दै विजयी लयमा फर्किएको हो ।
चेल्सीले बर्नलीमाथि ४-१ गोल अन्तरको शानदार जित हासिल गरेको छ ।
चेल्सीको जितमा कोले पाल्मेर, रहीम स्टरलिङ र निकोलस क्याक्सनले एक एक गोल गरेका थिए भने एक गोल बर्नलीका अमीन अल दाखिलले एक गोल आत्मघाती गोल गरेका थिए । त्यसैगरी बर्नलीका लागि विल्सन ओडोबेर्टले एक गोल गरेका थिए ।
यो चेल्सीको यस सिजनमा तेस्रो जित हो । ८ खेलमा ११ अंक रहेको चेल्सी लिगमा १०औं स्थानमा रहेको छ ।
त्यसैगरी बर्नलीको भने यो यस सिजनमा छैटौं हार हो । यो खेलपछि बर्नलीको ८ खेलमा ४ अंक रहेको छ र लिगमा १८औं स्थानमा रहेको छ ।
