काठमाडौँ । जारी फिफा महिला फुटबल विश्वकप अन्तर्गत मोरक्कोले दक्षिण कोरियालाई पराजित गरेको छ ।
आइतबार सम्पन्न खेलमा मोरक्कोले दक्षिण कोरियालाई १-० गोल अन्तरले पराजित गरेको हो ।
मोरक्कोको जितमा खेलको छैटौं मिनेटमा बितिसाम ज्रैदीले गरेको गोल नै खेलको निर्णायक गोल बनेको थियो ।
यो जितपछि मोरक्कोले अर्को चरणमा पुग्ने सम्भावनालाई जीवित राखेको छ । मोरक्कोको २ खेलमा ३ अंक भएको छ र समुहमा तेस्रो स्थानमा रहेको छ ।
त्यस्तै दक्षिण कोरियाको दोस्रो चरणमा पुग्ने सम्भावना भने सकिएको छ ।
समुह एचमा जर्मनी र कोलम्बियाले आफ्नो पहिलो खेल जितेर ३-३ अंकसहित समुहमा पहिलो र दोस्रो स्थानमा रहेको छ । दुवैबीच आजै खेल हुदै छ ।
