काठमाडौँ । ईङलिश प्रिमियर लिग अन्तर्गत आर्सनल साउथहम्पटनसँग बराबरीमा रोकिएको छ ।
गएराती सम्पन्न खेलमा आर्सनल साउथहम्पटनसँग ३-३ गोलको बराबरीमा रोकिएको हो ।
३-१ गोल अन्तरले पछाडी परेको आर्सनलले खेलको अन्तिम समयमा दुई गोल गर्दै हार बाट जोगिएको थियो ।
आर्सनलका लागि गाब्रियल मार्टिनेज, मार्टिन ओडेगार्ड र बुकायो साकाले एक एक गोल गरेका थिए ।
त्यस्तै साउथहम्पटनका लागि कार्लोस अल्काराज, थियो वालकट र डुज कालेटा कारले एक एक गोल गरेका थिए ।
यो बराबरीपछि आर्सनलको ३२ खेलमा ७५ अंक रहेको छ र दोस्रो स्थानमा रहेको म्यानचेस्टर सिटीभन्दा ५ अंकले आगाडी रहेको छ । आर्सनलले पछिल्ला तीन खेलमा बराबरीमा रोकिएपछि लिगको शिर्ष स्थान गुमाउने सम्भावना देखिएको छ ।
यद्यपि म्यानचेस्टर सिटीले दुई खेल कम खेलेकाले अब प्रिमियर लिगमा आर्सनललाई उछिन्ने अवसर रहेको छ ।
त्यस्तै साउथहम्पटनको भने ३२ खेलमा २४ अंक रहेको छ र लिगको पुछारमा छ ।
